22

കൊ​ട്ടി​യം : ല​ഹ​രിവി​രു​ദ്ധ ബോ​ധ​വ​ത്കര​ണ​വു​മാ​യി മാ​വേ​ലി​യും കു​ചേ​ല​നും സം​ഘ​വും സൈ​ക്കി​ളി​ല്‍ എ​ത്തി. ബോ​ധ​വ​ലത്കര​ണ​വും ല​ഹ​രി​ക്കെ​തി​രാ​യ സ​ന്ദേ​ശം ഉ​ള്‍​ക്കൊ​ള്ളു​ന്ന ല​ഘു​ലേ​ഖ​ക​ളും വി​ത​ര​ണം ചെ​യ്ത​ത് വേ​റി​ട്ട കാ​ഴ്ച​യാ​യി. ത​ഴു​ത്ത​ല നാ​ഷ​ണ​ല്‍ പ​ബ്ലി​ക് സ്‌​കൂ​ളി​ലെ വി​ദ്യാ​ഥി​ക​ളാ​ണ് ല​ഹ​രിവി​മു​ക്ത സ​മൂ​ഹ​ത്തി​നാ​യി കൈ​കോ​ര്‍​ക്കാം, ഓ​പ്പ​റേ​ഷ​ന്‍ തൂ​ഫാ​നാ​യി ന​മു​ക്ക് ഒ​രു​മി​ക്കാം, ല​ഹ​രി​യെ തു​ര​ത്താം എ​ന്ന പ്ല​ക്കാ​ര്‍​ഡു​ക​ളു​മാ​യി മാ​വേ​ലി​യൊ​ടൊ​പ്പം സൈ​ക്കി​ളി​ല്‍ ബോ​ധ​വ​ല്‍​ക്ക​ര​ണം ന​ട​ത്തി​യ​ത്.

കൊ​ട്ടി​യ​ത്ത് ന​ട​ന്ന ച​ട​ങ്ങി​ല്‍ ക​ണ്‍​ട്രോ​ള്‍ റൂം ​എ​സ്‌​ഐ ജോ​സ് റ്റി. ​ബെ​ന്‍ മാ​വേ​ലി​യു​ടെ​യും സം​ഘ​ത്തി​ന്‍റെയും ബോ​ധ​വ​ത്കര​ണ സ​ന്ദേ​ശ യാ​ത്ര ഫ്ലാ​ഗ് ഓ​ഫ് ചെ​യ്തു. ഹി​ന്ദു​സ്ഥാ​ന്‍ സ്‌​കൗ​ട്‌​സ് ആ​ന്‍​ഡ് ഗൈ​ഡ്‌​സ് ക​മ്മീ​ഷ​ണ​റും ത​ഴു​ത്ത​ല നാ​ഷ​ണ​ല്‍ പ​ബ്ലി​ക് സ്‌​കൂ​ള്‍ ചെ​യ​ര്‍​മാ​നു​മാ​യ ഡോ​ക്ട​ര്‍ കെ.​കെ. ഷാ​ജ​ഹാ​ന്‍, പ്രി​ന്‍​സി​പ്പ​ല്‍ നാ​സിം സെ​യ്ന്‍, കോ ​- ഓ​ര്‍​ഡി​നേ​റ്റ​ര്‍ ഷി​ബു എ​ന്നി​വ​ര്‍ നേ​തൃ​ത്വം ന​ല്‍​കി. നാ​ഷ​ണ​ല്‍ പ​ബ്ലി​ക് സ്‌​കൂ​ളി​ലെ ഒ​മ്പ​താം ക്ലാ​സ് വി​ദ്യാ​ര്‍​ഥി​യാ​യ സ​ല്‍​മാ​നു​ല്‍ ഫാ​രി​സി​യാ​ണ് മാ​വേ​ലി വേ​ഷ​ത്തി​ല്‍ ബോ​ധ​വ​ത്ക​ര​ണം ന​ട​ത്തി​യ​ത്.
സൈ​ക്കി​ളി​ല്‍ ബോ​ധ​വ​ത്ക​ര​ണ​വു​മാ​യി എ​ത്തി​യ മാ​വേ​ലി​ക്കും സം​ഘ​ത്തി​നും ക​ണ്ണ​ന​ല്ലൂ​രി​ല്‍ ന​ല്‍​കി​യ സ്വീ​ക​ര​ണം മു​ഖ​ത്ത​ല ബ്ലോ​ക്ക് പ​ഞ്ചാ​യ​ത്ത് അം​ഗം ക​ണ്ണ​ന​ല്ലൂ​ര്‍ നി​സാ​മു​ദീ​ന്‍ ഉ​ദ്ഘാ​ട​നം ചെ​യ്തു.

കൊ​ട്ടി​യം ക​ണ്ണ​ന​ല്ലൂ​ര്‍ തു​ട​ങ്ങി​യ സ്ഥ​ല​ങ്ങ​ളി​ല്‍ ബോ​ധ​വ​ല്‍​ക്ക​ര​ണ സ​ന്ദേ​ശ​യാ​ത്ര ന​ട​ത്തി​യ ശേ​ഷം ത​ഴു​ത്ത​ല നാ​ഷ​ണ​ല്‍ പ​ബ്ലി​ക് സ്‌​കൂ​ളി​ല്‍ സ​മാ​പി​ച്ചു.